رماني وليدي

حبيت نبكي على ذي الدنيا اللي شبعت فيها انا لهموم فاضت في عيني دمعة قويا راني في حقيقة والاننوم وليدي كبرتو كان صغير نقلع من روحي ونعطيلو اليوم رجعتو راجل كبير محال نحب واحد مثلو بنيتلو قصر وحفرلي بير هذا الديب وهاذي خصالو قتلني وفي جنازتي يسير حالي كي لي ايامو عكلتلو ماصعب عليا هذا الحال علاش عليك اليوم يا وليدي سمحت فيا وفراقي لك سهال   كنت حاسبك ذراعي ويدي مايفرق بيناتنا حتى المال حرام عليك تعيشني وحدي وانا عيشتك في عز ودلال نبكي على ايامي وسعدي علاش ماخرجتش وليد حلال نتمنالك الخير من قلبي نتمنى غير فرحك يكمال دايم نطلب يغفرلك ربي يدوملك الصحة والمال ما عرفتك اللي عليا مخبي حبك ليا علاش اليوم زال مازلت في الدنيا انت حبي ربي انشاء يسقم لحوال راني رايح واتهنى انتايا اه يا وليدي يا قرة العين علاش شفيت العدى فيا ماشفيتكش ماكش حنين بغيت تعيش بعيد عليا نبكي عليك ليوم الدين الا قصرت معاك في التربيا ترميني قولي قلبك وين ما خرجت بحالي في العقليا انا بويا عيشتو بالدين مات وهو بين يديا اغواك المال تبعت الزين  مرتك سباب ذي البليا تعبت عليك شحال سنين ما حرمتك من حتى حيا خود مني قول رزين تعيا وتدور عليك الدنيا مات صيب غير الله معين ماتلقى يدير فيك مزيا

شكرا على هاته الكلمات الرائعة والهادفة.